पुणे : ट्रान्स एशियन चेंबर ऑफ कॉमर्स अँड इंडस्ट्री यांच्या वतीने पुणे शहराचे खासदार अनिल शिरोळे यांचा ‘द पिलर ऑफ हिंदुस्थानी सोसायटी-एथिकल पॉलिटीशियन’ पुरस्काराने सन्मानित करण्यात आला. मुंबई येथील रॉयल मुंबई यॉट क्लब येथे झालेल्या कार्यक्रमात माहिती आयुक्त व माजी मुख्य सचिव सुमीत मलिक यांच्या हस्ते हा पुरस्कार प्रदान करण्यात आला. काही अपरिहार्य स्वत: अनिल शिरोळे हे उपस्थित राहू शकले नाहीत. त्यामुळे त्यांच्याऐवजी सत्यजित थोरात यांनी हा पुरस्कार स्वीकारला.
इंडो मंगोलियन चेंबर ऑफ कॉमर्स अँड इंडस्ट्री या संस्थेच्या रौप्य महोत्सवी वर्षानिमित्त व ट्रान्स एशियन चेंबर ऑफ कॉमर्स अँड इंडस्ट्री या संस्थेने वीस वर्षे पूर्ण केल्या निमित्ताने या कार्यक्रमाचे आयोजन करण्यात आले होते. यामध्ये ‘ट्रान्स एशियन चेंबर ऑफ कॉमर्स अँड इंडस्ट्री’च्या वतीने अनिल शिरोळे यांचा गौरव करण्यात आला.
